[抵食在香港] 推薦!! 好運印尼餐廳 @ 觀塘

今晚去到觀塘搵食，以往懶唔想揀都係去裕民坊食沙嗲王。但近日發現沙嗲王加左價，好似無咁抵食，於是 Open rice 下有冇其他選擇。找啊找～～發現有間印尼餐廳講到好似又正宗，又抵，又好食，仲要入選埋 2013 和 2014米芝蓮榜。咁吸引，於是走去試下呢間　

～～～～～好運印尼餐廳～～～～～

二位女士共點了 4 樣東西。不要少看每碟都好似細細碟，超飽！！

－　印尼黃錦飯 (HKD 55)
其實是黃薑飯，飯炒得乾身。加上材料豐富，咩都有Ｄ咁 (魚仔，蘿蔔絲，雞件，花生，肉鬆，牛肉.....)。抵食～～

－　龍東十五夜 (HKD 55)
齋睇個名完全唔知係乜，都係在 Open rice 睇過張相和評價先點。呢個其實可以當係飯類，事關佢有一舊舊糯米飯團浸在椰汁味的湯汁內，食曬全碟都幾＂濟＂下。配料的款式好像和印尼黃錦飯差不多，只是炸雞件變了湯汁煮雞脾

－　巴東牛肉 (HKD 70)
雖則比較細碟，但是牛肉超入味和＂淋＂，一點都不會覺得 "un"，少少辣，送飯一流

－　沙嗲雞串 (HKD 50/ 半打)
 忘了拍照～～～　個汁好味，夠＂杰＂，充滿花生的香味。雞肉方便不會燒得太乾，肉汁依然保留在肉內，好味

印尼黃錦飯

龍東十五夜

巴東牛肉

總括：未去過印尼亦很少食印尼野，很難去說它正唔正宗。但味道方面，我覺得還不錯，一定有下次。價錢算平，不收加一，抵！地理位置方面就差Ｄ，四周以民居為主，不顯眼，還有要走一段斜路才能到達。雖則係咁，此餐廳美味食物是客人的來源。我 7 點前食完走人，門外巳經開始有人排隊等位了。米芝蓮入榜果然有料到～～～